Qeveria e Serbisë ka lajmëruar se do të zhvilloj një seancë të posaçme parlamentare më datë 22 qershor ku do të diskutohen detaje lidhur me çështjen për njohjen e Kosovës. Këtë informacion e ka dhënë vetë Presidenti serb Aleksandër Vuçiç në një deklaratë për mediat që ka mbajtur ditën e sotme. Vendimi për seancën e posaçme plenare ka ardhur menjëherë pas takimit që zhvilluan për herë të parë në Bruksel Albin Kurti dhe Aleksandër Vuçiç në kuadër të çështjes për njohjen e Kosovës. Vuçiç ndër të tjera ka thënë se në këtë seancë do të diskutohet për “çdo çështje me rëndësi për situatën në Kosovë” dhe se ai do t’i paraqesë planet dhe idetë e Serbisë.
Ditën e djeshme në Bruksel u takuan krerët e dy shteteve lidhur me normalizimin e marrëdhënieve mes tyre. Gjatë këtij takimi u paraqitën vetëm qëndrimet dhe pritet e palëve teksa u arrit pajtim vetëm për mbajtjen e takimit të ardhshëm në muajin korrik.
Kujtojmë se pas takimit që zgjati përreth dy orë, kryeministri Albin Kurti bërime dije nëpërmjet një postimi në rrjetet sociale se ka paraqitur 4 propozime, 3 prej të cilave nuk janë pranuar nga Vuçiç dhe një tjetër nuk i ka dhënë përgjigje.
Ndërsa Presidenti i Serbisë Aleksandër Vuçiç nga ana e tij tha se ka pasur provokime nga Kurti por pa fyerje. “Ai erdhi duke mos u pajtuar për asgjë. Erdhi e më pyeti se kur do ta njohim Kosovën. I kam thënë kurrë. Ka shpërthyer”, ka thënë Vuçiç pas takimit.
