Aleanca për Mbrojtjen e Teatrit ka thirrur një protestë në minutat e fundit.
Në njoftimin zyrtar, Aleanca shkruan se do të përpiqen që të ndalojnë fillimin e punimeve për të fshehur edhe provat nga ajo që ata quajnë ‘skenë krimi.’
Nga ana tjetër, Aleanca aktualisht ndodhet në qytetin e Durrësit, përpara Pallatit të Kulturës, ku ka ftuar qytetarët të firmosin peticionin që Teatri të bëhet sikur ishte, aty ku ishte.
Mbështetje kanë edhe nga dega e Partisë Demokratike, teksa në 19:30 do rikthehen në Tiranë për të mbajtur tubimin e papritur.
Aktivisti Ervin Goci bëri me dije për “Gazetareforma.com” se shkak i protestës së befasishme të lajmëruar sot në Facebook është fakti se punonjësit e Bashkisë së Tiranës kanë rrethuar zonën ku dikur ndodhej godina e Teatrit Kombëtar dhe atij Eksperimental.
Sipas tij, ata po përpiqen të fillojnë ndërtimet për Teatrin e ri, duke e kthyer territorin në një ‘shesh ndërtimi’, prandaj kërkoi prezencë për ta parandaluar diçka të tillë.
Kjo do të jetë protesta e 3-të pas shembjes së Teatrit e thirrur nga Aleanca pas shembjes së godinës dhe e mbështetur nga opozita.
Mëngjesin e 17 majit me vendim të Këshillit Bashkiak të Tiranës, u shemb godina e Teatrit Kombëtar, vendim ky i pasur me dy protesta të njëpashnjëshme, të cilat është përdorur edhe dhuna policore ndaj qytetarëve.
Opozita ka mbështetur protestat dhe ka thënë se tashmë do të përkrah çdo tubim të qytetarëve, pasi sipas tyre është kaluar vija e kuqe.
Pas shembjes, kryebashkiaku Erion Veliaj kërkoi bashkëpunim me artistët, ndërsa kryeministri Edi Rama premton se godina e re do të jetë moderne dhe do plotësojë të gjithë kërkesat e aktorëve.
Sakaq, nuk kanë munguar edhe reagimet nga ndërkombëtarët.
BE iu bëri thirrje palëve të tregojnë kufizim dhe të shmangin përshkallëzimin e situatës, ndërsa amabasada britanike në Tiranë tha se dhuna minon demokracinë, edhe ambasadori gjerman është i të njëjtit mendim.
Ditën e mërkurë u zhvillua protesta e dytë pas shembjes së godinës, e thirrur nga Aleanca për Mbrojtjen e Teatrit dhe e mbështetur nga opozita.
