Për më shumë se tre muaj, pjesa më e madhe e shteteve në botë janë izoluar për shkak të pandemisë Covid-19.
Edhe pse ky virus ende nuk është zhdukur, shumë shtete i kanë lehtësuar masat në lëvizje dhe në rifillimin e jetës normale.
Kjo gjë nuk ka ndodhur me presidentin e El Salvadorit, Nayib Bukele.
Ky i fundit mori vendimin dramatik duke mbyllur vendin e tij pa u regjistruar ansjë rast me koronavirusi, duke thënë se duhet të qëndronin një hap para pandemisë.
Bukele ka më pak se një vit që është në postin e presidentit, ku madje është është i pari president që prej fundit të luftës civile të vitit 1992, që nuk i përket asnjërës prej dy partive më të mëdha politike në vend.
Gjyshërit e tij nga babai janë emigrantë palestinezë të ardhur në El Salvador.
Ai kandidoi për president si njeriu jashtë sistemit, i famshëm në rrjetet sociale, i cili u zotua se do të shkundte vendin e dërrmuar nga korrupsioni dhe dhuna e bandave.
Me thuajse 2 milionë ndjekës në Tëitter dhe sondazhe miratimi në nivelet 90%, Bukele ka thyer zinxhirin tradicional të politikanëve në vend dhe ka siguruar tërheqjen e ndërkombëtarëve.
Deri më tani, sipas të dhënave nga Universiteti “Johns Hopkins”, në El Salvador janë regjistruar 1571 raste me koronavirus dhe 31 vdekje.
Bukele ka thënë se dëshiron që vendi të rihapet nga 6 qershori, por deputetët në Asamblenë Kombëtare thonë se duhet të ndodhë më herët.
