Policia e Tiranës ka vënë në pranga një 42-vjeçar pasi gjatë kontrollit të tij ju gjetën sasi lëndësh të dyshuara narkotike kokainë dhe heroinë. Po ashtu është shoqëruar edhe një i mitur 15 vjeç i cili ka plagosur me thikë një 18-vjeçar.
Njoftimi i plotë i policisë:
Forcat e Policisë në Tiranë zhvilluan disa aksione në fushat e hetimit të narkotikëve e krimeve dhe rritjes së sigurisë rrugore.
Hetimi i Narkotikëve
– U arrestua në flagrancë shtetasi D. Sh., 42 vjeç, banues në Tiranë, pasi gjatë kontrollit fizik, punonjësit e Policisë i gjetën dhe sekuestruan sasi lëndësh të dyshuara narkotike kokainë dhe heroinë.
Hetimi i krimeve
– U arrestua në flagrancë një shtetas 15 vjeç, pasi në rrugën “Bashkim Gazidede”, ka goditur me mjet prerës shtetasin A. L., 18 vjeç, i cili është jashtë rrezikut për jetën.
