Një atentat me armë zjarri u regjistrua mbrëmjen e djeshme në zonën e Astirit në kryeqytet.
Viktimë mbeti 28-vjeçari Vilson Tafçiu Ndoka, i cili u qëllua me tre plumba në gjoks.
Në momentin e ekzekutimit, ai ndodhej në një nga lokalet e zonës, në shoqërinë e dy vajzave.
Tafçiu doli jashtë lokalit kur u thirr dhe më pas u qëllua nga një distancë e afërt.
Një nga të dyshuarit e policisë për krimin është N.D, i cili është shpallur në kërkim.
Autori i dyshuar mësohet se është njëri i afërt me viktimën, çka ka bërë që ky i fundit të dalë nga lokali kur është thirrur.
Tafçiu ka shkuar në Francë më 7 mars të 2018-ës.
Një javë më pas ai është arrestuar për shpërndarje të lëndëve narkotike.
I riu u dënua me një vit burg dhe pasi kaloi 8 muaj në paraburgim u deportua në Shqipëri më 6 nëntor 2018.
