Kanë mbetur vetëm 18 ditë nga zgjedhjet parlamentare të 25 prillit dhe kryedemokrati Lulzim Basha, ka renditur sipas tij një tjetër dështim të kryeministrit Edi Rama. Me anë të një postimi në rrjetet sociale, Basha ka shtruar pyetjen se në cilin nga vendet e rajonit, qytetarët janë paralizuara nga korrupsioni dhe përgjigja e pyetjes sipas tij është Shqipëria, pasi shqiptarët paguajnë tarifa për shërbimet publike tre herë më shumë në rajon.
“18 ditë deri më 25 prill, 100 dështimet e Ramës në 8 vite. Në cilin vend të rajonit qytetarët janë më të penalizuar nga korrupsioni? Përgjigja Shqipëria. Shqiptarët paguan tarifa korrupsioni për shërbimet publike tre herë më shumë se në rajon.”, – ka shkruar kryedemokrati Lulzim Basha.
Kujtojmë se kryedemokrati gjatë ditëve të fushatës ka hapur në faqen e tij zyrtare një rubrikë të cilën ai e ka quajtur “100 dështimet e Ramës”. Kryedemokrati ka paraqitur aty me anë të fotove, videove dhe ilustrimeve të ndryshe të gjitha premtimet dhe ato që ai i quan korrupsionet e kryera nga Partia Socialiste, kryesisht nga kryeministri Edi Rama. Kryetari i PD-së po vazhdon me fushatën elektorale për zgjedhjet e 25 prillit në të gjitha qytet e vendit. Ajo që bie në sy nga mitingjet e kryera nga kryedemokrati janë grumbullimet masive të cilat nuk janë të përshtatshme për situatën në të cilën ndodhemi. Gjithashtu tubimet Bashës nuk zbatojnë rregullat e vendosura nga Komiteti Teknik i Ekspertëve.
