Një tjetër shtet ka hequr kufizimet për hyrjen e shqiptarëve me pasaportë biometrike. Lajmin e mirë e ka dhënë Tirana Internacional Aeroport (TIA) me anë të një njoftimi zyrtar në rrjetet sociale, ku bëhet me dije se qytetarët shqiptar mund të udhëtojnë drejt Danimarkës, duke pasur me vete një test PCR të kryer brenda 72 orëve të fundit, test antigen ose certifikatën e vaksinës së aprovuar nga EMA. Ndër të tjera sqarohet se vaksinat e miratuara nga EMA për hyrjen në Danimarkë janë Pfizer, Moderna , AstraZeneca dhe Jonhson&Johnson. Gjithashtu testi nuk është i d9omosdoshëm për grupmoshat nën 15-vjeç, pasagjerët që kanë vërtetit për rezultat pozitiv të testit Covid-19 mes periudhës 14 ditë dhe 8 muaj nga dita e udhëtimit.
Njoftimi i plotë
Danimarka, nga sot, më 25 Qershor 2021, heq kufizimet për hyrjen e udhëtarëve shqiptarë me pasaportë biometrike. Qytetarët shqiptarë mund të udhëtojnë, mjaft të kenë një PCR të 72 orëve të fundit, test antigen ose certifikatën e vaksinës së aprovuar nga EMA.
Ju bëjmë me dije se vaksinat e miratuara nga EMA për hyrjen në Danimarkë, janë Pfizer, Moderna, AstraZeneca dhe Johnson & Johnson.
Nuk duhet test për:
1) Për pasagjerët nën 15 vjeç
2) Pasagjerët që vërtetojnë rezultatin pozitiv të testit Covid-19 mes periudhës 14 ditë dhe 8 muaj nga dita e udhëtimit
Ju falenderojmë për bashkëpunimin,
Tirana International Airport
