Të tjera detaje bëhen të ditura lidhur me ngjarjen e rëndë të vrasjes së dy vëllezërve Bardhi në fshatin Gramëz, Krujë.
Dy vëllezërit Gramoz dhe Xhontil Bardhi, përkatësisht 34 dhe 24 vjeç, u qëlluan për vdekje me armë zjarri nga Roland Pula, 32 vjeç, nga Kruja.
Mësohet se viktimat dhe autori i ngjarjes ishin përplasur disa herë ndër vite, duke u plagosur disa herë.
Po ashtu mendohet se edhe mbrëmjen e djeshme mes tyre ka patur një zënkë teksa dy vëllezërit kanë qenë në kafe dhe janë kapur me fjalë me vëllain e autorit.
Dyshohet se shkaku kryesor i debateve dhe i ngjarjes së rëndë ka qenë prishja e pazareve për grabitjet që kryenin.
Ka mjaftuar kaq që mes tyre të nisë një debat i ashpër, që përfundoi në ngjarjen tragjike me vrasjen e dy vëllezërve.
Autori i dyshuar për vrasjet, Roland Pula akuzohet për një sërë veprash penale, grabitje, trafik narkotikësh etj.
Mësohet se njëri nga viktimat, Xhontil Bardhi ka qenë prift dhe besimtar i rregullt, ndërsa viktima tjetër, Gazmir Bardhi, ishte i martuar dhe babai i dy fëmijëve.
Të dy janë marrë prej vitesh me grabitje dhe kultivim kanabisi, dhe në shumë raste kanë pasur edhe bashkëpunim me autorin e krimit që ishte edhe fqinj i tyre, Roland Pula.
Mësohet se viktimat kanë plagosur me armë zjarri edhe xhaxhain e Pulës.
Mirëpo, sherret kulmuan një natë më parë, kur dy vëllezërit e ekzekutuar, diskutuan me fjalë me vëllain e Roland Pulës dhe në gjaknxehtësi e sipër autori qëlloi mbi ta me kallashnikov dhe i la të vdekur në vend.
Kujtojmë se ekzekutimi i dyfishtë ndodhi mbrëmjen e djeshme në Krujë rreth orës 22:25 minuta.
Dy vëllezërit, Xhontil dhe Gramoz Bardhi u qëlluan për vdekje nga Roland Pula në lokalin e fshatit Gramëz. Të rinjtë humbën jetën rrugës për në spital.
