Masat kufizuese të pandemisë COVID-19 vazhdojnë të jenë në fuqi në vendin tonë, ndërsa shufrat e të infektuarve kanë qenë mjaft të larta ditët e fundit. Për gjendjen aktuale që po kalon vendi ynë ka folur edhe zv.ministrja e shëndetësisë, Mira Rakacolli. E ftuar në TVSH, ajo ka thënë se masat janë marrë në përputhje me situatën dhe do vazhdojnë të merren në mënyrë të tillë, duke i lënë të hapura mundësitë për një mbyllje. Ndër të tjera, ajo ka mohur studimin e Akademisë së Shkencave për arritjen e imunitetit të Tufës nga COVID, dhe ka thënë se Instituti Publik është duke kryer një studim të vetin.
“Në sugjerimet që kemi bërë nuk e kemi bërë duke parë eksperiencën e vendeve të tjera por në përputhje me situatën. Pra, çdo masë që është marrë është marrë në përputhje me numrin dhe hetimin epidemiologjik, duke analizuar arsyen. Masat janë marrë gjithmonë në përputhje me nivelin e infektimeve dhe në përputhje me çka shkenca epidemiologjike sugjeron për ato numra se çfarë masash duhen marrë.Situata është delikate, por ne vazhdojmë ta kemi nën kontroll. S’do ndodh kurrë që të mos kemi mundësi të shkojmë në spital. “Nuk besojmë që kemi arritur imunitetin e tufës. ISHP po bën studim për përqindjen e njerëzve që janë prekur nga Covid-19.”-ka thënë Rakacolli.
