Ditën e sotme u mblodh sërish Task Forca për koronavirusin.
Pjesë e mbledhjes ishte edhe Drejtoresha e Institutit të Shëndetit Publik, Albina Fico.
Kjo e fundit bëri me dije së në Shqipëri ka një rast të dyshuar me koronavirus, por është gati e sigurtë, që është negative.
“Praktikisht kemi vetëm 1 që është duke u procesuar, gjasat janë negative, por pa e parë me sy letrën negativ, nuk do e them negativ”, u shpreh Fico.
Fico bëri me dije se në Institutin e Shëndetit Publik mund të bëhet diagnoza e koronavirusit, pasi ky institucion i ka mjetet e nevojshme.
Nga ana tjetër, Ministrja e Shëndetësisë, Ogerta Manastirliu theksoi se në Shqipëri janë analizuar 6 raste, por që kanë rezultuar negativë.
Gjithashtu ajo shtoi, se nuk është e nevojshme mbyllja e shkollave apo e kufijve me Italinë.
