Pamje trishtuese vijnë nga qyteti bregdetar i Ukrainës, Mariupol, atje ku bodrumi i një materniteti u shndërrua në strehë nga bombat për fëmijët e porsalindur, shkruan The Guardian.
Atje forcat ruse përshkallëzuan sulmet e tyre, teksa punëtorët e maternitetit e morën një të porsalindur dhe e dërguan në një dhomë të errët me ndriçim të dobët, e ku kishte të strehuar edhe pacientë të tjerë.
Një skenë e ngjashme u pa edhe në Kharkiv, ku një repart materniteti u zhvendos bodrum nga frika nga bombat dhe raketat ajrore. Nënat atje tundnin të porsalindurit në djepa mes dyshekëve të grumbulluar pas dritareve për mbrojtje.
Sulmi i Rusisë kundër Ukrainës do të rëndojë së tepërmi edhe marrëdhëniet ekonomike të Gjermanisë me Rusinë. Sidomos për Rusinë Gjermania është partnere shumë e rëndësishme. Kurse Gjermania e merr kryesisht naftën dhe gazin nga Rusia. Gati gjysma e gazit që merr Gjermania vjen nga Gazprom e sipërmarrje të tjera ruse. Rusia është megjithatë një treg i rëndësishëm për sipërmarrjet gjermane, edhe pse ka humbur një lloj rëndësie. Rusia në vitin 2020 renditej e 15-ta si partner i tregtisë së jashtme për eksportet gjermane, thuhet nga Zyra Federale e Statistikave.
Ekonomia gjermane reagoi e tronditur pas fillimit të luftimeve. Presidenti i Dhomës Gjermane të Industrisë dhe Tregtisë, DIHk, Peter Adrian u shpreh për DW, se “pasojat ekonomike të këtij invazioni janë të paparashikueshme ende, por ato me siguri janë shumë të rënda. Si president i DIHK sot mendoj në radhë të parë për punonjëset e punonjësit e sipërmarrjeve gjermane dhe Dhomës së Tregtisë së Jashtme në Ukranë. Por edhe të punësuarit e sipërmarrjeve gjermane të Dhomës së Jashtme të Tregtisë në Rusi ndeshen tani me pasiguri shumë të mëdha.”
