Një ngjarje tronditëse ndodhi tre ditë më parë në Zvicër.
Një 56-vjeçar shqiptar nga Kosova masakroi për vdekje me thikë nisen e djalit të tij.
Sipas mediave zvicerane, autori i dyshuar i krimit makabër është 56-vjeçari, Bamir T., i cili u arrestua nga policia në vendin e krimit,
Viktima u identifikua si Adelina T., 24-vjeçe.
Ngjarja ndodhi në një apartament në rrugën Muttenz, në qytetin Pratteln.
Babai dhe djali i tij 27-vjeçar jetonin me nusen e djalit dhe me nipin 4-vjeçar deri një vit më parë.
Më pas familja e çiftit të ri ishin zhvendosur në shtëpinë e tyre që ndodhej pranë banesës së 56-vjeçarit.
Ata madje kanë ruajtur edhe lidhjet e ngushta me këtë të fundit.
Ende ka shumë dilema në lidhje me motivet që e kanë shtyrë 56-vjeçarin të bënte një akt të tillë ndaj së resë.
Në disa media shkruhet se e ndjera kishte pasur konflikte me vjehrrin e saj pasi bashkëshorti i saj kishte paguar fshehurazi një avokat për të bërë divorcin ndaj 24-vjeçares.
Ky është një ndër motivet që e japin si shkak edhe mediat zvicerane që shkruajnë për ngjarjen e rëndë të shqiptarëve të Kosovës në Zvicër.
Në kohën kur nusja ka kuptuar planin e bashkëshortit, mësohet se ajo ka shkuar te vjehrra me djalin e saj dhe mund ta ketë fajësuar për problemet e saj martesore, veprim ky që dyshohet të jetë bërë shkak i ngjarjes tragjike.
Zëdhënësi i zyrës së prokurorit publik të Baselland, thotë se autori i dyshuar tani është ne paraburgim.
Policia zviceriane ka marrë në pyetje edhe dy shoqe të viktimës, për të mësuar edhe më shumë detaje lidhur me ngjarjen e rëndë.
Njëra prej tyre, Adelina është shprehur vetëm me fjalë pozitive për shoqen e saj të ndjerë.
“Ajo ishte e mirë dhe e denjë për të gjithë, punoi shumë.
Por burri i saj ishte shumë, shumë xheloz. Unë mendoj se ajo duhej të ndryshonte punë për shkak të kësaj.
Ajo nuk ndihej mirë në këtë martesë, por prapë ajo e donte shumë burrin e saj dhe kujdesej për djalin me dashuri.”- ka thënë ajo.
Ndërsa shoqja tjetër e Adelinës, Emira është shprehur se shoqja e saj ishte një amvisë e mirë, por vjehrrit e saj nuk ishin kurrë të kënaqur me të.
“Adelina ishte një nënë dhe amvisë e mirë.
Ajo kujdesej për gjithçka në shtëpi, gjithmonë përpiqej të ishte një grua e mirë. Por ajo më tha që vjehrrit e saj nuk ishin kurrë të lumtur me të, pavarësisht se çfarë bënte.
Pashë buzët e saj të çara, gërvishtje dhe të mavijosura”, është shprehur shoqja e viktimës.
Kjo e fundit ka lënë pas edhe një djalë të vogël nga martesa e saj me djalin e autorit të krimit.
“Një grua e re humbi jetën dhe një djalë i vogël tani nuk ka nënë”, janë shprehur dy shoqet e ngushta të viktimës.
