Teksa ndodhemi një ditë përpara protestës kombëtare që ka paralajmëruar kreu i Partisë Demokratike, Sali Berisha, ky i fundit në një konferencë për media ka zbuluar më shumë.
Berisha vendos theksin tek policia që të mos provokojë dhe revoltojë qytetarët, pasi ato thjesht do të ushtrojnë të drejtën e protestës.
Për sa i përket orarit, ndryshe nga Policia që ka njoftuar se ka dhenë leje vëtëm për dy orë tumbin, Berisha deklaroi se protesta do të vazhdojë sa të dojë populli opozitar.
“Mesazhi im është mos revoltoni protestuesit, kaq është. Ata vijnë në të drejtat e tyre kushtetuese. Vijnë të provokuar në shkallën më të lartë nga një njeri që po ua dëbon fëmijët dhe njerëzit nga shtëpitë e tyre, po i vjedh dhe plaçkit çdo ditë. Kaq është mesazhi im. Asgjë s’mund të zvogëlojë dimensionet e protestës që do jetë nesër.
Po, ju kam deklaruar se opozita është në protestë, populli opozitar është në protestë kundër kësaj qeverie dhe populli opozitar do të përdorë të gjitha metodat e mosbindjes civile dhe do shpallë moton e tij në protestë sepse ne nuk mund të pajtohemi kurrë me shpërbërjen e kombit shqiptar nga konfiskimi i lirive të shqiptarëve nga një qeveri lidhur kryekëput me krimin, drogën, vjedhjen, mashtrimin. Ne e kemi shumë seriozisht këtë betejë. Kemi pasur një periudhë që kemi pasur probleme organizimi, riorganizimi, kemi primaret të cilat po ecin shumë mirë dhe që do i vazhdojmë me vendosmërinë më të madhe, por nga ana tjetër kemi armikun e votës dhe të lirive. Me të ne do përballemi siç e meriton”, deklaroi Berisha”
