Një ngjarje e rëndë ka ndodhur ditën e sotme në lagjen “Donika Kastrioti” në Berat.
Mësohet se Shpëtim Krasi 51-vjeç i ka dhënë fund jetës, duke konsumuar një sasi të konsiderueshme helmi dhe për këtë kishte menduar çdo detaj.
Krasi pasi kishte darkuar qetësisht me familjen ai kishte konsumuar “fostoksinë” dhe ishte shtrirë për të fjetur.Ndërkohë mëngjesin e sotëm kanë qenë familjarët ata që e kanë gjetur pa shenja jete.
Ata kanë vënë re që 51-vjeçari i kishte buzët e nxira dhe nuk reagonte pas thirrjeve të tyre. Më pas familjarët kanë njoftuar menjëherë policinë.
Trupi i pajetë i 51-vjeçarit është përcjellë në morgun e Spitalit Rajonal të Beratit ku pas ekpsertizës së kryer ka rezultuar një sasi e madhe helmi e llojit “fostoksinë” në gjak. Shpëtim Krasi ishte baba i dy fëmijëve dhe punonte prej vitesh si roje në një filial banke në Berat.
Por policia ka zbuluar se Krasi kishte probleme me bashkëshorten dhe ishte në proces divorci me të, dhe sipas policisë dhe familjarëve ky mund të jetë shkaku i vetëflijimit
Policia po punon për zbardhjen e plotë të rrethanavr të ngjarjes dhe në të njëjtën kohë ka konfirmuar që vdekja ka ardhur si pasojë e vetëhemimit pasi në trupin e viktimës nuk ka pasur shenja dhune.
