Nisma Thurje ka dorëzuar sot listën e kandidatëve për deputetë në Komisionin Qendror të Zgjedhjeve. Siç vihet re do te jetë deputetja Rudina Hajdari ajo që do të kandidojë në qarkun e Elbasanit.
Ashtu siç bëri me dije edhe më parë, kryetari i partisë, Endri Shabani do të kandidojë në 4 qarqe, përfshirë këtu Durrësin, Korçën, Tiranën dhe Shkodërn. Pano Soko do të jetë i pari në në qarkun e Tiranës . Po ashtu është bërë me dije se në qarqet Shkodër, Lezhë, Elbasan, Fier,Vlorë do të kenë nga një kandidat.
Mesnata e sotme shënon edhe fundin e afatit për dorëzimin e listave të kandidatëve në Komisionin Qendror të Zgjedhjeve. Më herët Partia Socialiste bëri të ditur emrat e atyre që do kryesojnë listat në qarqe, ndërsa pritet ende të publikojë listat e plota. Po ashtu ende nuk ka pasur një konfirmim nga Partia Demokratike, teksa në selinë blu pritet që emrat të konfirmohen së shpejti. Ndërkohë, LSI I ka dorëzuar listat në KQZ dhe Monika Kryemadhi, ka zgjedhur që të jetë në krye të tre qarqeve; Tiranë, Elbasan dhe Fier. Nga anat tjetër Rama ka lajmëruar kandidimin e tij në Durrës e në Vlorë, ndërsa kryeopozitari Lulzim Basha nuk e ka bërë ende të ditur ku do të kandidojë.
