Nisin kërkimet për eshtrat e të zhdukurve në burgun e Burrelit

Google+ Pinterest LinkedIn Tumblr +

Ditën e sotme kanë nisur gërmimet në burgun e Burrelit për gjetjen e eshtrave të të zhdukurve në kohën e diktaturës.

Iniciator i kësaj ngjarje është Aldo Renato Terrusi, i cili humbi të atin Giuseppe Terrusi në vitin 1952, në këtë burg ku kanë humbur jetën dhe shumë shqiptarë të tjerë nga torturat, sëmundjet apo uria, por është hera e parë që merret një akt i tillë për gjetjen e tyre.

Giuseppe Terrusi  ishte vendosur në Shqipëri që në mes të viteve ’30 si nëndrejtor i bankës italiane në Gjirokastër.Por ai u burgos në burgun e Burrelit nën akuzën ka  hapur arkat e bankës për gjermanët.

Pas takimeve të shumta e dëshmive të mbledhura nga bashkëvuajtës të të atitt Aldo arriti të lokalizonte me përafërsi territorin ku mund të ishte varrosur i ati, e cila përkon me gërmimet e sotme.

Ndërkohë drejtoresha e Autoritetit të Dosjeve, Gentiana Sula ka publikuar disa foto nga gërmimet pranë terrritorit të Burrelit.Në postimin e saj, ajo shprehet se është një proces i gjatë,  që ndoshta mund të mos rezultojë i suksesshëm, por është e domosdoshëm.

“Po ndodh. Nën udhëheqjen e Task Forcës së posaçme, po gërmohet në oborrin e Burgut të Burrelit për të gjetur gjurmë të varreve të humbur në komunizëm. Do të jetë një proces shumë i gjatë, dhe mbase i pasukseshem në disa raste, por i domosdoshëm dhe i përgjegjshëm. I uroj familjareve kurajo, durim dhe force për të vene në vend dinjitetin njerëzor të të dashurve te tyre”, thuhet në postimin e Sulës.

Shpërndaje
Share.

Komento