“Ka një koncept kriminal të injektuar nga vetë pushteti, i cili e sheh policinë si një mekanizëm dhune”, ka komentuar në një intervistë televizive ish-presidenti Bujar Nishani, lidhhur me vrasjen e Klodian Rashës nga Policia.
“Nuk kam asgjc më shumë se asaj që është përcjellë në media. Ajo që është për t’u nënvizuar është pjesë e shqetësimit qytetar ka të bëjë me motivimin që ka një polic për të qëlluar dhe vrarë një njeri pse kundërshton urdhrin që ka dhënë qeveria. Është më shumë se sa skandal, më shumë se sa krim. Në botë ka ndodhur kur ka përleshje, konfrontim, por ka ndodhur një vrasje në tejkalim të kompetencave. E godet tjetrin për ta vrarë me lehtësinë më të madhe. Ka motivim, injektim i një lloj urrejtje që polici është i gatshëm për të vrarë pse del kundër orarit ose nuk vendos maskën. Kemi një koncept kriminal të injektuar nga vetë pushteti. Policia është një mekanizëm dhune në konceptin e kësaj qeverie”, tha Nishani.
