Kryeministri Edi Rama ka vizituar sot Kukësin, ku ka nisur dhe procesi i vaksinimit të mjekëve kosovarë.
Ndërsa ka ndjekur nga afër procesin, kryeministri Rama premtoi se nëse Shqipëria nuk do i dhurojë vaksina Kosovës, do i vaksinojë 11 mijë bluza të bardha.
Sa i përket dozave, vaksinat janë të kompanisë “AstraZeneca”. Blerim Syla, kreu i Sindikatës së Shëndetësisë së Kosovës deklaroi sot se vaksinimi është përgatitur në pallatin e kulturës “Hasan Prishtina”, ku i pranishëm ishte dhe kryeministri Edi Rama, sëbashku me përfaqësues të Kosovës.
Sa i përket mjekëve të ardhur nga Kosova, ata kanë shprehur falenderime dhe nuk kanë shfaqur frikë nga kjo vaksinë, që së fundmi u përfol për efektet anësore.
“Faleminderit që na kemi dhënë këtë ,mundësi ne, jemi shumë të kënaqur, vij nga Peja. Nuk kemi frikë. Faleminderit që na ka ardhur mundësia për ta marrë”, është shprehur njëri prej tyre.
Kujtojmë se dhurimi i dozave nga ana e qeverisë shqiptare ka qenë i hershëm. Rama premtoi se kur Shqipëria të merrte dozat e para nga Pfizer do të ndihmonte edhe Kosovën, por ndalimi nga kompania solli shtyrje të procesit.
Ndërkohë në Shqipëri është finalizuar vaksinimi i bluzave të bardha me dozën e parë. Deri më tani janë kryer 41,321 vaksinime për personelin shëndetësor, të moshuarit dhe mësuesit.
