Opozita e bashkuar del sërish në shesh në protestën e pestë zyrtare, në një marshim proteste, ndryshe nga tubimet që ka organizuar më parë. Protestues nga rrethet kanë nisur të grumbullohen para kryeministrisë, ndërkohë Kryeministria është e rrethuar me gardh metalik dhe ka një numër të madh policësh.
Në një njoftim për mediat, PD-jë fton qytetarët në këtë marshim proteste, por nuk ka bërë të ditur itinerarin e tij dhe as se sa orë do të zgjas.
Në protestë janë edhe banorët e Unazës së Re. Protesta e sotme erdhi si vendim në mbylljet të protestës së 11 majit, të shtunën që përfundoi me ndalimin e sekretarit organizativ të PD Sahit Dollapi.
Ndërkohë, një numër i madh forcash policie janë angazhuar për protestën e opozitës, rreth 1500 efektivë të policisë.
Protesta zhvillohet ndërsa mes Ministrisë së Brendshme dhe PD-së ka pasur deklarata të forta.
Ministria e drejtuar nga Lleshaj, paralajmëroi për dhunë, ndërsa sipas forcës më të madhe politike në opozitës këto deklarata bëhen për të frikësuar protestuesit.
