Kryeministri i vendit Edi Rama ka deklaruar se brenda muajit shkurt në vend do të vijnë rreth 40 mijë doza të vaksinës Pfizer.
Nga ambjentet e Stadiumit “Air Albania”, ai sëbashku me drejtoreshën e e Spitalit infektiv Najada Çomo, janë vaksinuar me dozën e dytë të vaksinës.
Rama është munduar të japë siguri tek qytetarët duke u garantuar atyre se vaksina nuk ka asnjë efekt anësorë.
Kreu i Qeverisë tha se Serbia dhe Shqipëria janë të vetmet vende në rajon që kanë hyrë në zbatim të kontratës dhe vaksinimit të mjekëve.
“Dje kanë ardhur dozat që kanë hapur rrugën. Nëse nuk e shikojmë të gjithë panoramën, patjetër që duken shumë pak. Por në rajon jemi i vetmi vend së bashku me Serbinë që ka hyrë në zbatimine kontratës dhe ka hyrë në vaksinimine mjekëve. Së dyti, në krejt Europën situata është krejt kaotike, vende të mëdha kanë filluar kërcënime, pasi kërkesa është marramendëse dhe në të gjitha rastet oferta është shumë e ulët. Së treti, Dje në darkë vonë kemi marrë konfirmimin nga Pfizer se në mesin e shkurtit do vijën 10.000 mijë dozat e parashikuara, dhe brenda shkurtit do vijën 30.000 dozat e tjera”, tha Rama.
Kujtojmë se prej disa javësh tashme, Rama e ka cilësuar si një arritje të qeverisë nisjen e procesit të vaksinimit, duke u krahasur me vende të tjera në Ballkan, të cilat ende nuk e kanë nisur këtë proses sipas tij.
