Ditën e djeshme, kryeminsitri britanik Boris Johnson njoftoi se i gjithë vendi do të futet në karantinë për shkak të numrit të lartë të infektuarve dhe viktimave nga Covid-19.
“Këto masa të vjeshtës si pjesë e luftës kundër rritjes së numrit të rasteve me koronavirus përfundojnë automatikisht më 2 dhjetor”,- tha Johnson.
Vendimi për fillimin e karantinës hyri në fuqi gjatë mesnatës dhe nga shtëpia mund të dalesh vetëm për arsye të veçanta, kujdesin e fëmijëve dhe arsimin e tyre, ushtrime fizike jashtë shtëpisë së tyre, arsye shëndtësore apo pazare për ushqimet.
Ndërkohë nuk lejohet përzierja mes banorëve të shtëpive të ndryshme. Udhëtimet ndërkombëtare jashtë Anglisë do të ndalohen me përjashtim të rasteve kur udhëtimi është për qëllime pune.
Policia ka njoftuar ndëshkime për shkeljen e rregullave, ndërsa izolimi do të përfundojë më 2 dhjetor. Por mëngjesi në Londër ishte si në një ditë normale. DailyMail ka publikuar ditën e sotme disa foto nga rrugët kryesore në Londër dhe asgjë nuk ka ndryshuar.
