Gjykimi për dy kushërinjtë Flori dhe Klajdi Muka, të akuzuar për vrasjen e 19-vjeçarit Grei Bihuci, ka nisur sot në Fier, për një ngjarje që tronditi qytetin 8 muaj më parë.
Sipas prokurorisë, ata akuzohen për “vrasje me paramendim,” ndërsa të pandehurit kërkuan ndryshimin e akuzës në “vrasje në rrethana të tjera,” duke pohuar se përdorën thikat për vetëmbrojtje gjatë një sherri dhe se vrasja ishte aksidentale.
Në sallën e gjyqit, familjarët e viktimës dhe të autorëve kanë kërkuar zgjerimin e hetimeve, duke përmendur edhe përfshirjen e mundshme të personave të tjerë në ngjarje. Pas dëgjimit të palëve, gjykata caktoi seancën e ardhshme më 27 nëntor.
