Pas takimit me ambasasdorin e Turqisë, Kryetarja e Kuvendit Lindita Nikolla ka zhvilluar ditën e sotme një takim me ambasadorin e Italisë në Tiranë, Fabrizion Bucci.
Ambasadori Bucci i shprehu Kryetares Nikolla urimet për zgjedhjen në detyrën e re dhe përsëriti vullnetin e Italisë për të zgjeruar bashkëpunimin me Shqipërinë.
“Marrëdhëniet midis dy vendeve tona janë unike e speciale dhe ne do të punojmë për intensifikimin e tyre” – ka thënë Ambasadori Bucci.
Nikolla u shpreh se Kuvendi do të bëjë më të mirë për nxitjen e bashkëpunimit midis të dy vendeve. Ndërkohë, gjatë fjalës së saj më tej kryetarja e Kuvendit i ka shprehur mirënjohjen ambasadorit Bucci për mbështetjen që Italia tregon për rrugëtimin e vendet tonë drejt Bashkimit Evropian.
“Me opozitën në Kuvend, Shqipëria po ecën drejt normalitetit dhe Kuvendi do të rrezatojë klimën e re të bashkëpunimit politik. Ne i jemi mirënjohës Italisë për mbështetjen si avokate në rrugëtimin tonë europian, për kontributin e gjithanshëm për zhvillimin e Shqipërisë dhe për fatin se është bërë shtëpia e dytë e qindra-mijra emigrantëve shqiptarë” – është shprehur Nikolla.
Kujtojmë se kryetarja aktuale e Kuvendit Lindita Nikolla, ka zhvilluar ditëve të fundit disa takime me ambasadorë të huaj ku ka marrë urime për detyrën e saj të re në parlament gjithashtu janë bërë dhe bisedime në lidhje me marrëdhëniet e Shqipërisë me vendet e tjera për të forcuar “frymën” e bashkëpunimit.
