Një ngjarje e turpshme ka ndodhur në kryeqytet gjate ditës se sotme teksa një person ka ngacmuar seksualisht me një të afërm të tij. Mësohet se një 45-vjeçar ka kryer veprime të turpshme me djalin e nipit të tij në Yzberisht.
Veprimet e 45-vjeçarit, që thuhet se kanë ndodhur në banesën e autorit të akuzuar i ka treguar vetë i mituri te prindërit e tij dhe këta të fundit më pas kanë bërë denoncimin në strukturat përkatëse.
Në njoftimin e policisë thuhet se ngjarja ka ndodhur në rrugën “3 dëshmorët” të lagjes Yzberisht në Tiranë dhe se 45 vjeçari me iniciale S.K. është shpallur në kërkim dhe po punohet për kapjen e tij.
“Më datë 01.02.2021, u referuan materialet në Prokurorinë pranë Gjykatës së Shkallës së Parë Tiranë dhe punohet për kapjen e shtetasit S. K., 45 vjeç, sepse në rrugën “3 Dëshmorët”, ka kryer veprime të turpshme me një shtetas të mitur.”, thuhet në njoftimin e policisë.
Prindërit e 5-vjeçarit janë tronditur nga ngjarja dhe e kanë denoncuar menjëherë në policine e kryeqytetit. Për pesë vjeçarin është kryer edhe ekspertiza mjeko-ligjore dhe fatmirësisht nga raporti ka rezultuar se me te miturin nuk ka pasur abuzim. Aktualisht policia po punon për kapjen e autorit 45-vjeçar.
