Pas ngjarjes së rëndë të ndodhur në Pukë, mëngjesin e sotëm në Pukë, ku kanë mbetur të vdekur burrë e grua, pasi shtëpia është përfshirë nga flakët, ka folur edhe, 82-vjeçari Pal Gjoni, gjyshi i fëmijëve që arriti të shpëtonte nga flakët.
Ka qenë pikërisht, 82-vjeçari ai që ka dhënë alarmin për zjarrprej nga fatkeqësisht për shkak se ndodheshin në katin e dytë të banesës çifti Ndoj kanë mbetur të vdekur, ndërsa 4 fëmijët e shtëpisë, kanë mundur që të shpëtojnë.
Pal Gjoni shprehet se ai kishte arritur që të dëgjonte zhurmën e tjegullave dhe kishte filluar të bërrtiste në mënyrë që të zgjoheshin të gjithë. Fëmijët që ndodheshin me ta në katin e parë kanë janë zgjuar dhe kanë dalë nga dritarja, ndërsja fëmija më i madh, 15 vjeç ka ndihmuar edhe gjyshën e tij të shpëtojë, pasi kjo e fundit është e paralizuar dhe nuk mund të lëvizte.
“Ajo që më ndodhi mua mos i ndodhtë askujt. U zgjova shpejt sepse kisha hallin e fëmijëve. Thirra djalin që të zgjohet dhe të më ndihmonte me gruan, pasi e kam të paralizuar, por ai nuk u përgjigj,”– mësohet të ketë thënë 82-vjeçari, i cili së bashku me gruan e tij është strehuar tek një banesë tjetër, tek të afërmit e tyre në fshat.
Trupat e çiftit Ndoj janë gjetur pas dy orësh kërkime nga zjarrëfikësit dhe nga raporti mësohet se kanë qenë pranë njëri-tjetrit, pasi ishin përpjekur që të dilnin nga dhoma, pas dhënies së alarmit nga 82-vjeçari. Dyshimet e para që hedh deri më tani grupi hetimor janë ato të një shkëndije elektrike, megjithatë ende nuk është përcaktuar si shkak përfundimtar dhe është duke u punuar për zbardhjen e plotë të ngjarjes tragjike.
