9 Nëntori është një datë me rëndësi të veçantë në historinë e Gjermanisë, duke shënuar ngjarje të ndryshme që kanë pasur një ndikim të madh në politikën dhe shoqërinë gjermane.
Gjatë kësaj dite, gjermanët kujtojnë jo vetëm tmerrin e vitit 1938, kur ndodhi pogromi masiv kundër hebrejve, por edhe ngjarje më të gëzueshme, siç ishte rënia e Murit të Berlinit më 9 nëntor 1989, një moment historik që ndryshoi botën.
Rënia e Murit të Berlinit dhe ribashkimi i Gjermanisë ishin të lidhura ngushtë me përfundimin e Luftës së Ftohtë dhe ndryshimin e rendit politik në Europën Lindore.
Renia e Murit i Berlinit,shënoi një ngjarje të rëndësishme për Gjermaninë dhe botën. Ky moment historik i papritur pasoi protestën dhe tensionin kundër komunistëve të Gjermanisë Lindore, i cili kishte ushtruar kufizime të rrepta mbi lëvizjen e saj.
Gjatë një konference ndërkombëtare në Berlinin Lindor u deklarua, se do të hynin menjëherë në fuqi ligje të reja për lëvizjen e lirë, nuk kishte më asnjë mundësi për t´i ndaluar masat. Dhjetëra mijëra njerëz kaluan menjëherë kufirin e brendshëm të qytetit të ndarë Berlinit. Gëzimi ishte në kuptimin e plotë të fjalës `pakufij’.
Pas kësaj nate nuk kishte më kthim pas. E çara e parë në Murin e Berlinit solli shembjen e plotë të sistemit të sëmurë.
Data 9 nëntor shkruajti për herë të katërt histori gjermane – por këtë radhë histori të mrekullueshme.
Por në kalendarin historik gjerman data 9 Nëntor ka luajtur nje rol te rendesishem edhe në epoka te tjera.
09.11.1923
Demokracia e re në Gjermani kishte një fillim të vështirë, pasi si forcat e majta, ashtu edhe ato të djathta kërkonin ta shkatërronin atë. Më 9 nëntor 1923, qindra nacionalsocialistë (nazistë) marshuan në Mynih, duke tentuar një puç të dështuar kundër qeverisë. Udhëheqës i këtij sulmi ishte Adolf Hitler, i cili vetëm 10 vjet më vonë do të arrinte të merrte pushtetin në mënyrë ligjore dhe do të shkaktonte një prej krizave më të mëdha në histori, Luftën e Dytë Botërore.
09.11.1938
Më 9 nëntor 1938, një nga ngjarjet më të tmerrshme të historisë gjermane ndodhi, një akt dhune ndaj hebrejve që paraqiste një hap të parë drejt Holokaustit. Gjatë programit “Reichskristallnacht”, e njohur si Nata e Kristalit, në mbarë Gjermaninë u shpërthyen pogromet kundër hebrejve. Sinagogat u dogjën dhe dyqanet hebreje u shkatërruan, ndërsa rreth 100 hebrej u vranë dhe 26,000 të tjerë u arrestuan dhe u deportuan në kampet e përqendrimit. Ky sulm masiv ishte një manifestim i politikës antisemitike të regjimit nazist dhe shënoi fillimin e një periudhe të errët, që do të kulmonte me asgjësimin masiv të hebrejve gjatë Luftës së Dytë Botërore.
