Në vijim të hetimeve për rastin e shtetases S. Q., e cila kërkoi ndihmën e Policisë ndërkohë që ndodhej e mbyllur në një apartament në katin e tetë të një pallati në Astir, janë identifikuar dhe shpallur në kërkim pesë shtetasit, të cilët dyshohet se kanë mbajtur të mbyllur viktimën, në bashkëpunim me njëri-tjetrin.
Këta shtetas janë:
• S. S., 29 vjeç
• A. A., 36 vjeç
• O. A., 31 vjeç
• J. S., 26 vjeç
• A. J., 40 vjeç
Gjatë kontrollit të apartamentit të marrë me qira, janë gjetur dy armë zjarri, municion luftarak dhe sende të tjera, të cilat do të shërbejnë në hetim. Policia vijon punën për kapjen e personave të shpallur në kërkim dhe hetimet janë në vazhdim për dokumentimin e plotë të ngjarjes dhe identifikimin e të tjerëve që mund të kenë marrë pjesë.
Materialet i kaluan Prokurorisë për veprat penale “Heqja e paligjshme e lirisë”, “Mbajtja pa leje dhe prodhimi i armëve, armëve shpërthyese dhe municionit” dhe “Falsifikimi i dokumenteve”.
