Lidhur me vrasjen e nënkomisarit Saimir Hoxha, nga Aldi Rama një ditë më parë ka reaguar edhe deputeti Luan Baçi. Sipas deputetit ky ka qenë një veprim impulsiv dhe i pamenduar nga një i ri.
Ndërsa ka shtuar se profesionalizmi i policisë lë për të dëshiruar.
“Është një krim impulsiv, i momentit. Flasim për një 21 vjeçar, pavarësisht se është futur 2-3 herë në burg dhe ka dalë. Është rritur me gjyshërit, me prindër të divorcuar. Jo në kushtet e duhura që ai të marrë rrugën e duhur të jetës. Shoqeria jonë është e pavemendshme për shumë të rinj që janë lënë jetim, apo me prindër të gjallë, që vazhdojnë të rriten nga gjyshërit. Profesionalizimi i policisë lë për të dëshiruar, për arsye se nuk është i vetmi presion që mund të jetë në gjendje të vështire, apo të tjerë me probleme të tjera. Si mundet polici t’i dalë në rrugë. Duhet parë dhe profesionalizmi i policisë. Efektivët e tjerë nuk ishin në gjendje të neutralizonin një 21 vjeçari, por ikën dhe fshihet. Gjykata dhe prokuroria ajo që nuk ka bërë detyrën, por edhe vetë shteti, policia që nuk di të sillet me kriminelë. Është ndryshe të sillesh me kriminelë të krimit të organizuar dhe ndryshe me djem të rinj, impulsiv“, tha ai.
