Ngjarja e ndodhur mbrëmjen e së hënës, ku mësuesi amerikan vrau në mënyrë makabre, bashkëshorten, dy qentë e tij dhe më pas veten, ka marrë edhe vëmendjen e mediave të huaja.
Indah Lilis Sartika Saragih ishte me pasaportë amerikane. Ajo u mbyt me litar nga bashkëshorti i saj 53-vjeçar James Wertz, i cili më pas la dhe një letër ku tregonte se nuk mund të shërohej nga veset dhe se po merrte me vete personat e tij më të dashur.
Por kush ishte Indah Lilis Sartika Saragih?
Media indoneziane Tempo.Co shkruan se në mesin e diasporës së këtij vendi, ajo njihej si person mjaft asocial. Një burim i tha medias në fjalë se “në shtëpinë e saj mund të shkoje vetëm kur i shoqi nuk ishte prezent”.
Po sipas të njëjtit burim, që ndodhet në Tiranë prej 10 vitesh, Saragih nuk ishte pothuajse fare aktive në rrjete sociale. Sipas Tempo.Co, në kryeqytetin shqiptar jetojnë rreth 50 indonezianë, të cilët në disa raste mbajnë kontakte dhe mblidhen me njëri tjetrin, por ky duket se nuk ishte rasti i Saragih.
“Disa punojnë në qendra masazhi, të tjerë si kamariere/ë në restorante”, tha burimi, teksa shtoi se mbledhjet midis komunitetit ishin të pakta dhe Saragih rrallë merrte pjesë.
