TIRANË — Pas një vendimi të Gjykatës së Apelit që hoqi vulën e Partisë Demokratike (PD) nga Lulzim Basha dhe ia kaloi Sali Berishës, Basha mësohet se do të mbledhë strukturat e tij dhe synon të përcaktojë hapat e ardhshëm pas këtij zhvillimi.
Vendimi i Apelit erdhi pasi gjykata pranoi si legjitime vendimet e marra nga Kuvendi Kombëtar i 11 dhjetorit 2021, duke rrëzuar ankimimin e drejtuar nga fraksioni zyrtar i PD-së, i cili nuk u njoh si palë në proces. Treshja e gjyqtarëve që morën këtë vendim përfshinin relatoren Alma Ahmeti dhe anëtarët Iliba Bezati dhe Elona Toro.
Kujtojmë se Sali Berisha, tashmë i njohur si kryetar i PD-së, vazhdon të qëndrojë në arrest shtëpie që nga 30 dhjetori, pasi refuzoi të zbatojë një vendim të Gjykatës së Krimeve të Rënda për detyrim paraqitje. Ky vendim lidhej me çështjen e privatizimit të ish-kompleksit Partizani. I njëjti masë sigurie është vendosur edhe mbi dhëndrin e Berishës, Jamarbër Malltezi.
