Gjyqtarja pranë Gjykatës së Tiranës Anila Guri, është shkarkuar ditën e sotme nga KPK.
Dyshimet në lidhje me pasurinë e saj u ngritën që nga deklarata e ILDKPI, ku pikëpyetje u ngritën në saktësinë e deklarimeve për pasuritë e paluajtshme të saj dhe të ardhurat.
Gjyqtarja e cila ishte kandidate edhe për Gjykatën Kushtetuese, “nuk ka kryer deklarim të saktë, s’ka burime të ligjshme, ka kryer fshehje e deklarim të rremë”, shkruhet në raport.
Një ditë më parë KPK shkarkoi gjyqtarin tjetër të Gjykatës së Tiranës Ilir Mustafaj, Edhe Mustafaj u përjashtua nga sistemi i drejtësisë lidhur me prolemet mbi pasurinë.
Edhe Mustafaj ishte kandidat për Gjykatën Kushtetuese. E vetmja kandidate për në Kushtetuese që ka kaluar Vettingun është gjyqtarja Regleta Panajoti.
Nga procesi i Vettingut janë shkarkuar deri më tani 67 gjyqtarë dhe prokurorë.
