Sot, Kuvendi mban një seancë plenare ku në rend të ditës është një interpelancë me ministrin e Brendshëm, Ervin Hoxha, kërkuar nga deputeti Asllan Dogjani.
Më pas, do të shqyrtohen ndryshimet në Kodit Zgjedhor dhe projektligji për ratifikimin e vendimit të Komitetit të Përbashkët të Konventës Pan-Euro-Mediteriane për rregullat preferenciale të origjinës, i cili lidhet me përdorimin e certifikatave elektronike të qarkullimit, zbatueshme nga 1 janari 2025.
Gjithashtu, Kuvendi do të diskutojë ndryshimet në ligjin për trajtim dhe kompensim të pronave, si dhe zgjedhjen e kryetarit dhe një anëtari të Këshillit Drejtues të AKEP.
Në seancën e nesërme, do të shqyrtohet zgjedhja e Avokatit të Popullit dhe emërimi i kryetarit të Bordit të Autoritetit të Mbikëqyrjes Financiare.
Po ashtu, Kuvendi do të shqyrtojë lirimin e Gëzim Podgoricës dhe Genc Përmetit nga Këshilli Drejtues i RTSH, si dhe shkarkimin e Leka Bungos nga posti i kryetarit të këtij këshilli.
Do të diskutohen edhe shkarkimet e anëtarëve të Këshillit Drejtues të RTSH, përfshirë Albert Minga, Ardita Reçi, Dionis Papadhimitri, Edmond Tullumani, Engjëll Ndocaj, Ilir Keko, Mevlan Shanaj dhe Milena Selimi.
