- Reklamë -spot_img
11.5 C
Tirana
Faqja kryesoreAktualitetNga sot Shqipëria pa qese plastike! Çfarë rrezikojnë ata që i përdorin

Nga sot Shqipëria pa qese plastike! Çfarë rrezikojnë ata që i përdorin

- Reklamë -spot_img

Ashtu siç ishte paralajmëruar, që prej ditës së sotme, 1 qershor 2022 ndalohet përdorimi i qeseve plastike.

Pra, nga sot ka hyrë në fuqi vendimi për heqjen nga qarkullimi i qeseve plastike.

Vlen të theksojmë se ky ligj parashikon ndalimin e prodhimit, importimit dhe tregtimit të qeseve plastike mbajtëse si dhe qeseve plastike mbajtëse të oxo-degradueshme apo oxo-biodegradueshme me trashësi të mureve të qeses për çdo anë jo më pak se 70 mikron, me kapacitet mbajtës jo më pak se 10 kilogramë dhe me përmasa jo më pak se 50 cm gjatësia dhe 24 cm gjerësia.  Kontrollet do të ushtrohen nga një sërë institucionesh, si nga Drejtoria e Doganave për ndalimin e importit të qeseve që s’përmbushin kriteret, Inspektorati i Mbikqyrjes dhe Tregjeve për kontrollin e tregtimit të tyre dhe Agjencia Kombëtare e Mjedisit për prodhuesit e qeseve nën parametrat e caktuar.

Ndërkohë kryeministri Edi Rama ka sqaruar se nuk do të ketë asnjë lëshim për prodhuesit e qeseve plastike. Edhe ministrja e mjedisit Mirela Kumbaro, thotë se nisma do të kryhet nën një monitorim të rreptë, e për shkelësit ligji parashikon edhe ndëshkime.

“Masa e gjobës shkon nga 500 mijë lekë të reja, pra 5 milionë lekë të vjetra, deri në 1 milion e 500 mijë, ose 15 milionë lekë të vjetra. Por ka edhe masa më të rënda se kaq për shkelësit. Në radhë të parë sekuestrimi i të gjithë mallit që do të gjendet sepse konsiderohet i paligjshëm. Nëse kjo përsëritet do të hiqet licenca e aktivitetit për shkelësit e ligjit” – ka deklaruar Kumbaro.

- Reklamë -spot_img

Duhet lexuar

- Reklamë -spot_img

Artikuj te ngjashëm

- Reklamë -spot_img

PËRGJIGJU

Ju lutem shkruani komentin tuaj!
Ju lutem shkruani emrin tuaj