Në orët e para të mëngjesit të sotëm, në Vlorë u dëgjua një shpërthim i fortë.
Makina e prokurorit Albert Kuliçi u shkatërruar nga një shpërthim me lëndë eksplozive.
Automjeti “Golf5”, ishte parkuar poshtë banesës me qira, ku qëndron prokurori.
Policia ka shkuar menjëherë në vendngjarje dhe po punon për zardhjen e saj.
“Shqiptarja.com” shkruan, se kamerat e sigurisë kanë fiksuar autorin gjatë momentit të afrimit dhe largimit nga mjeti.
Në lidhje me shpërthimin është marrë në pyetje Kuliçi dhe disa persona të tjera.
Policia e ka klasifikuar ngjarjen, të lidhur me detyrën e prokurorit.
Kuliçi ka çuar përpara gjykatës ish-kryebashkiakun Shpëtim Gjika, për lejet në Vlorë dhe konçesionin e parkimit të makinave.
Gjithashtu ai ka hetuar zyrtarë të hipotekës për tjetërsimin e pronave në Karaburun, Rradhimë dhe Zvërnec.
Një dosje e nxehtë që ndodhet aktualisht në dorën e tij, është ajo e pronave në Zvërnec, ku kërkoi 28 vie burg për Pëllumb Petritajn për veprat penale të “Pastrimit të produkteve të veprës penale” dhe “Falsifikim dokumentash”.
Çështja është ende pezull, pasi mbrojtja nuk ka dhënë konkluzionet.
Kuliçi kërkoi arrestimin e Petritajt, por u rrëzua nga gjykata e Apelit të Vlorës.
