Programi i qeverisë “Rama 3” është zbuluar para nisjes së seancës parlamentare së ditës së nesërme.
Janë 5 shtyllat kryesore ku programi bazohet, duke filluar me rimëkëbjen nga tërmeti dhe pandemia, duke vazhduar me mirëqenie për të gjithë.
Pesë pikat ku program bazohet:
- Rimëkëmbje e ekonomisë nga tërmeti dhe pandemia.
- Mirëqenie për të gjithë, që do të përkthehet në një ekonomi të zhvilluar që krijon shanse për të gjithë.
- Modernizim për zhvillim të ekonomisë prodhuese, turizmit, energjisë, bujqësisë, ekonomisë digjitale, transporteve dhe shërbimeve.
- Familja si themeli ku ndërtojmë të ardhmen.
- Shqipëri e fortë, me shtet të fortë, vëmendje për çdo Shqiptar dhe me dinjitet në botë.
Në hyrje të programit shkruhet se qeverisja nuk është zanat, por mandate i deleguar nga populli për të zhvilluar sa më shumë vendin. Më tej thuhet se mandate i tretë është historic dhe vendimtar për Shqipërinë e dekadës që sapo ka filluar.
“ Kjo është arsyeja pse programi qeverisës është konceptuar si një plan i kujdesshëm dhe i detajuar reformash dhe aksionesh, që synon të materializojë në çdo qelizë të qeverisjes vizionin “Shqipëria 2030”, një projekt madhor që mishëron ambicien tonë për ta çuar Shqipërinë në nivelin tjetër të zhvillimit. Mandat i tretë organikisht nis me objektva të qarta për mënyrën si do të ndërtojmë, hap pas hapi, të ardhmen tonë europiane, duke u mbështetur së pari në 5 shtylla kryesore”, thuhet në program.
