Është mbyllur zyrtarisht procesi i votimit në të gjithë vendin. Kreu i KQZ Ilirjan Celibashi përmes një deklarate për mediat ka bërë të ditur të dhënat e deritanishme , përfshirë edhe problematikat e raportuara.
Ai ka theksuar se ka pasur 1, 094 tentativa për votim të dyfishtë. Ndërkohë shton se kanë qenë 16, 527 votues për herë të parë
Ai tha se pjesëmarrja ishte 34. 37 përqind, për qendrat ku është raportuar në mënyrë elektronike direkt nga qendrat e votimit.
“Komisionarët janë duke protokolluar procesin. Mund të jetë me interes përbërja e komisioneve, 70 përqind e KQV kanë pasur anëtarësinë e plotë prej 7 anëtarësh, 14 përqind me 6 anëtarë dhe 10 përqind me 5 anëtarë. Në 4 raste kemi marrë raportime për jashtë dhomës së fshehtësisë. Në dy qendra, Elbasan dhe Paskuqan, është përdorur vetëm një nga dy makinat, në qendrat e tjera procesi ka shkuar shumë mirë. 35 denoncime janë administruar”, tha ai.
Më tej Celibashi shtoi: “Kemi konstatuar se në 11% të qv janë hasur vështirësi në gjetjen e qendrës së votimit. Kemi konstatuar që në 62 qv nga 5213 ka pasur shkelje për materiale propagandistike në një distancë prej 150 metra.
Kujtojmë se ka dalë rezultati paraprak në 3 bashkitë ku u bë votim elektronik, Kamëz, Vorë dhe Elbasan. Sipas rezultatit na KQZ në 3 bashkitë kryeson PS.
