Prania e Lulzim Bashës dhe Edi Ramës në Elbasan e ka kthyer Ditën e Verës nga ditë feste në ditë dhune.
14 Marsi, që pretendohej të vijonte me zhvillime të qeta dhe festive, është shoqëruar me incidente të shumta.
Prania e dy liderëve politikë ka çuar në agravim të situatës. Përveç përplasjes verbale, ka pasur dhe përplasje fizike mes simpatizantëve të dy forcave. Është dashur ndërhyrja e policisë për të qetësuar situatën, teksa janë shoqëruar disa persona.
Fillimisht kryeministri u prit me ovacione dhe thirrje “Rama ik”. Gjatë kohës që kalonte në sheshin në hyrje të Portës së Kalasë së Elbasanit është përballur disa simpatizantë të PD. Ata kanë vijuar me thirrjet për minuta të tëra ndërkohë që mes tyre dhe mbështetësve të PS që shoqëronin Ramën.
Pavarësisht pamjeve të shëmtuara që erdhën nga një ditë feste, ajo që vihet re janë grumbullimet e simpatizantëve politikë, disa me maska e disa jo, në një kohë që vendi po përjeton valën e tretë të infektimeve.
Ndërsa dy liderët fajësojnë njëri tjetrin për provokim politik, grumbullimi i sotëm u shndërrua në një vatër të rrezikshme infektive.
Kujtojmë se kjo është hera e dytë që Dita e Verës po festohet nën kushte pandemie, madje kësaj here dhe rekorde vdekjesh.
Të ndodhur në këtë situatë kritike dhe “shpërthim” infektimesh në vend, vihet në dyshim rëndësia apo domosdoshmëria e vizitave të Bashës dhe Ramës në Elbasan.
