Mjeku i njohur Pëllumb Pipero, ka folur për “News 24” në lidhje me situatën e izolimit të njerëzve në fundjavë.
Ai është shprehet se nga ekspozimi ne mund të fitojmë më shumë imunitet për të përballuar sëmundjen ndaj dhe ka sugjeruar që fundjavat të hapen për të gjithë qytetarët.
Intesiteti i virusit ka rënë, është shprehur Pipero, ndaj edhe në fund të muajit maj, ai do ishte i mendimit të hapeshin të gjitha zonat.
“Intensiteti i virusit ka rënë, numrat janë në ulje të qëndrueshme, grafiku ka oshilacione, por vijnë nga strategjia jonë që gjurmon rastet dhe kontaket e afërta.
Pra kemi pasur diku 15 apo 5, por rastet përgjithësisht janë asimptomatikë. Historia jonë me COVID po shkon drejt mbylljes”.
I pyetur pse zonat e kuqe po mbyllen në fundjavë, Pipero u shpreh:
“Virusit nuk i shkojnë batuat, por në fundjavë ka rrezik për grumbullimin e njerëzve, shtohet rreziku për shtimin e numrave.
E gjykoj të arsyeshme fundjavën më të shtrënguar, por them se ecuria e epidemisë më bën optimist se fundi i muajit do të jetë tërësisht i lirë.
Do të sugjeroja që në fund të majit të hapeshin të gjitha zonat.
Nga ekspozimi mund të fitojmë edhe më shumë imunitet. Besoj që në fund të majit të hapen edhe fundjava”.
