Ditën e sotme ka dhënë dorëheqjen drejtori i Infrastrukturës shqiptare Ani Dyrmishi, i cili kishte 5 vite në këtë pozicion. Theksojmë se Dyrmyshi ka mbajtur më herë edhe poste të tjera të rëndësishme.
Por qëndrimi i tij në krye të Infrastrukturës Shqiptare nuk ka qenë aq i qetë pasi ndaj tij janë bërë 2 atentate, ku fatmirësisht Dyrmishi ka arritur të shpëtojë.
Kujtojmë që rasti i parë ishte më 19 nëntor të 2018, Dyrmishit iu vendos një sasi tritoli në makinën e tij, por lënda plasëse nuk arriti të shpërthente pasi ai e pikasi dhe lajmëroi policinë.
Rasti i dytë ishte në tetor të vitit 2019 kur PD denoncoi se persona të paidentifikuar kishin hapur zjarr në drejtim të mjetit të Dyrmishit, por që sipas kësaj partie, ngjarja u fsheh nga policia.
Asokohe Dyrmishi tha se atentati nuk ishte bërë ndaj tij, edhe pse e kishte përdorur disa herë atë makinë.
“Është një ngjarje që nuk ka të bëjë fare me mua. Nuk kam pas asnjë lloj atentati në drejtimin tim apo të makinës sime, pasi unë nuk përdor makinën time, por një makinë tjetër, që e përdor, dhe që është goditur. Në fakt, muajt e fundit nuk e kam përdorur. Nuk kam qenë në makinë, kur është qëlluar”, deklaroi në atë kohë për Neës24 kreu i Këshillit Bashkiak të Durrësit.
Po ashtu Dyrmishi ka mbajtur postin e drejtorit të Hipotekës së Durrësit deri pak para zgjedhjeve të vitit 2017. Por edhe pse ka qenë pjesë e listës së zezë të Ramës, ai mori një tjetër detyrë të rëndësishëm pas largimit si drejtor i Hipotekës së Durrësit, atë të drejtorit të hekurudhës shqiptare. Bëhej fjalë për një listë me 101 emra, mes tyre edhe Dyrmishi, ishin personat të cilët sipas Ramës kishte pasur ankesa nga qytetarët.
