“Reality Show” shumë i përfolur “Big Brother Vip” pritet të fillojë nga data 1 tetor, siç kanë bërë të ditur edhe burime eksklizive për Iconstyle. Deri tani janë zbuluar edhe disa nga emrat e njohur që do të marrin pjesë, mes tyre aktorë e këngëtarë.
Një ndër ta do të jetë edhe aktorja e njohur Ema Andrea. Emri i saj është bërë i ditur disa ditë më parë, ndërsa personazhe të tjerë të njohur të showbizz-it do t’i bashkohen gjithashtu formatit të përfolur.
Këngëtarja Sheila Haxhiraj do të jetë gjithashtu pjesë. Faqja zyrtare e “BBV” kishte publikuar më herët një video ku shfaqej konkurrentja e parë e programit, por pa ia zbuluar portretin. Megjithatë fansat nisën menjëherë aludimet se kush mund të ishte vajza e videos, ndërsa u mësua se ajo është pikërisht këngëtarja e njohur.
Një tjetër emër i dashur i muzikës shqiptare gjithashtu do të jetë pjesë e “Big Brother Vip”. Bëhet fjalë për këngëtaren Albërie Hadërgjonaj, ndërsa nuk do të mungojnë VIP të tjerë nga Kosova shumë të përfolur.
Ndërkohë që personazhet e parë janë zbuluar, priten ende surpriza në konfirmimin e emrave të tjerë. Dhe jo vetëm kaq! Ndryshe nga sezonet e tjera, programi do të jepet dy herë në javë, ndërsa është premtuar një edicion spektakolar.
