Klea Gjata, e dashura e Laert Haxhiut është një nga personat e arresuar nga policia në kuadër të operacionit “Never Forget”. 27-vjeçarja banuese në Lushnje, dyshohet për veprat penale “Përkrahja e autorit të krimit” dhe “Moskallëzimi i krimit”. Dyshohet se Klea Gjata është e përfshirë në vrasjen e Alban Semakut në vitin 2021. Kujtojmë se Kreu i Policisë së Shtetit, Muhamet Rrumbullaku një konferencë për shtyp dha informacion për operacionin, që çoi në arrestimin e 12 personave, ndërsa 3 u shpallën në kërkim. Rrumbullaku renditi të gjitha krimet e kryera nga ky grup me data dhe emra konkretë. Emri që kryeson këto ngjarje të rënda të ndodhura përgjatë këtyre 5 viteve të fundit në qytete të ndryshme të vendit, është ai i Laert Haxhiut. Banda e këtij të fundit u tradhëtua nga Artan Tafani që ka zbardhur 16 ngjarje që kishin ngelur pa autor.
