Pas pushimeve të festave të fundvitit, nesër fillon mësimi në shkolla. Një ditë para nisjes së mësimit ministrja e Arsimit ka ripërsëritur masat që duhen të respektohen në shkollë kundër pandemisë.
Ministrja Kushi thekson se shkollat e hapura dhë mësimi me prezencë fizike e ka të domosdoshëm vëmendjen dhe përgjegjësinë e të gjithëve.
Kushi gjithashtu iu uron të gjithëve nxënësëve shumë suksese dhemësim të mbarë. Kujtojmë që sot në vend do të hyjnë në fuqi masat e reja të vendosura në kuadër të pandemisë dhe rrezikut nga varianti Omicron. Në mbledhjen e fundit, Komiteti Teknik njoftoi se nga data 4 janar punonjësit e administratë publike, të qendrave tregtare dhe supermarketeve , do të duhet të dorëzojnë certifikatën e vaksinimit për t’u paraqitur në punë.
“Shpresoj të keni kaluar festa e pushime të gëzuara, e të keni mbledhur plot energji që nesër t’u riktheheni shkollave plot dëshirë e pasion për të mësuar më shumë. Rikthimi në shkollë ju bën bashkë me shoqet, shokët, mësuesit, të kaloni çaste të bukura por edhe të mbështesni më shumë njëri-tjetrin.
Ndërkohë dua t’ju kujtoj edhe një herë që të kemi kujdes të shtuar për higjienën dhe të gjitha masat kundër pandemisë. Shkollat e hapura dhe mësimi në prezencë fizike kërkon vëmendjen dhe përgjegjësinë e të gjithëve bashkë. Ju uroj shumë suksese dhe vit të mbarë!”, shprehet ministrja e Arsimit, Kushi.
