Kina nuk ka ndërmend të rrijë ‘duarkryq’ përballë Coronavirusit që ka vrarë të paktën 2700 persona dhe ka infektuar mbi 80 mijë të tjerë.
Ndonëse shkencëtarë të ndryshëm nga e gjithë bota po tentojnë të krijojnë vaksinën kundër COVID-19, edhe në rastin më të mirë ajo nuk do jetë gati para vitit 2021.
Kështu, Kina po provon të luftojë duke përdorur armën e saj më të fortë: teknologjinë.
Pasditen e sotme mediat e huaja kanë shkruar se firmat kineze të robotikës kanë krijuar një pajisje për dezinfektimin e hapësirave publike.
Bëhet fjalë për robotin e quajtur ‘Thor-1’, të cilësuar nga kinezët si një “armë e fuqisë së jashtëzakonshme” kundër Coronavirusit.
Prova e parë mbi funksionimin e robotit është bërë në një park në Hangzhou në Kinën lindore, një qytet pjesërisht i bllokuar prej Covid -19.
https://youtu.be/4muQ_vlTPeU
Deri më tani qeveria kineze ka shpenzuar miliarda dollarë për subvencione dhe kredi për të nxitur përparimin e inteligjencën artificiale në vend.
Po ashtu, pas thirrjes së OBSH për gatishmëri globale, ditën e djeshme Bashkimi Europian premtoi 230 milionë euro për të luftuar virusin e rrezikshëm, ndërsa SHBA premtoi 2.5 miliardë dollarë, nga të cilat 1 miliardë do jepen për vaksinën e nevojshme për të luftuar virusin, ndërsa 1.5 miliardë dollarë për pajisje mjekësore.
