Ditën e djeshme, një aksident tragjik ka ndodhur në Berat, ku 25-vjeçarja Klaudia Xhaferaj së bashku me të birin 6-vjeçar kanë rënë në lumin Osum. Një manovër e gabuar i kushtoi jetën 25-vjeçares Klaudia Xhaferaj dhe djalit të saj 6-vjeçar mesditën e sotme në Berat. Ndërkohë që të tjera detaje janë zbardhur në lidhje me ngjarjen e rëndë që tronditi dje mbarë opinionin publik.Sipas burimeve të ekspertëve të qarkullimit rrugor, 25-vjeçarja Klaudia Xhaferaj, kishte vetëm 20 ditë që kishte marrë patentën.
Gjithashtu mësohet se aksidenti është shkaktuar si pasojë e humbjsë kontrollit nga ana e drejtueses së mjetit dhe paaftësia e saj për të manovruar ka bërë që ajo të përfundojë në lumin Osum.
Dje u publikuan edhe pamjet nga momenti i aksidentit tragjik në rrugën ‘Antipatrea’ në Berat, ku në mes të ditës, krejt papritur e reja humbi kontrollin pas një parakalimi me mjetin e saj ‘ML’ dhe pas disa manovrash, theu kangjellat e rrugës dhe përfundoi në lumë. Ndërsa sipas ekspertizës mjeko ligjore vdekja e nënë e bir, është shkaktuar nga mbytja, pas një qëndrimit për një kohë të gjatë në ujë.
Kujtojmë që kanë qenë banorët, që kanë konstatuar mjetin, duke ndërhyrë menjëherë. Djali ka dalë me shenja jete, por nëna nuk reagonte. Mjeti ka qenë duke ecur me shpejtësi, kur ka humbur kontrollin, ka thyer kangjellat dhe ka përfunduar në lumin Osum.
