Familjarët e Mateos , kanë dalë sërish në sheshin qendror të qytetit të Fierit duke kërkuar solidaritetin dhe mbështetjen e qytetarëve për të mbledhur firmat për ti dhënë dënimin maksimal Klodian Çalamanit, autori i vrasjes së 8-vjeçarit.
Momente prekëse shihen edhe nga pamjet, ku nëna dhe babai kanë puthur foton e të birit.
Ndërkohë shihet se qytetarë i janë bashkuar thirrjes dhe kanë firmosur për ndryshimin e ligjit dhe varjen e autorit 38 vjeçar, i cili vrau në mënyrë makabre vogëlushin.
Theksojmë se Gjykata e Fierit ka dhënë dje masën e sigurisë arrest në burg për Klodian Çalamanin. 3 8-vjeçari nuk u dërgua në gjykatë për shkak të situatës së tensionuar me familjarët e 8-vjeçarit Mateo Vasiu.
Incidente u shënuan në Gjykatën e Fierit mëngjesin e djeshëm ku familjarët e 8-vjeçarit të ndjerit Mateo Vasiu tentuan të hynin me forcë në sallën e gjyqit për të parë nga afër vrasësin e djalit të tyre, Klodian Çalamani.
Familjarët nuk u lejuan nga policia që të hyjnë brenda sallës së gjyqit, teksa situata ka agravuar. Ata janë shprehur të revoltuar për faktin që nuk i lënë të hyjnë brenda në sallë.
Forcat e sigurisë kanë rrethuar perimetrin dhe kanë marrë masa për të ndalur trazirat. Familjarët e 8-vjeçarit kërkojnë dënim me vdekje për Klodian Çalamanin.
