Kina gjithmonë na ka surprizuar, herë për mirë e herë për keq. Këtë radhë, duke qenë nën presion për shkak të koronavirusit, kinezët në Wuhan kanë arritur të ndërtojnë një spital të ri për vetëm 10 ditë.
Siç raporton BBC, ndërtimi i spitalit filloi më 24 janar, kurse në orët e para të mëngjesit ka pranuar pacientët e parë.
Spitali i ri shtrihet në një hapësirë prej rreth 25 mijë metra katrorë dhe ka kapacitet për njëmijë shtretër, shkruan e përditshmja kineze People’s Dail.
Për ndërtimin e spitalit ishin angazhuar qindra punonjës, kurse përparimi në punime është shoqëruar çdo moment nga miliona persona nga e mbarë bota, që patën rastin ta shohin online në internet.
Spitali është ndërtuar sipas modelit të Pekinit të vitit 2003, ku për vetëm një javë është ndërtuar spitali për pacientët me virusin SARS.
Ndërkaq kujtojmë që nga coronavirusi deri më tani kanë humbur jetën 362 persona dhe mbi 17 mijë tjerë janë infektuar.
