Kosova do të përballet ditën e nesërme me Maqedoninë e Veriut, një sfidë shumë delikate për shqiptarët e Kosovës dhe ato të Maqedonisë. Në orën 20:45, dy skuadrat do të zbresin në fushë për sfidën e vlefshme gjysmëfinale të Play-Off të UEFA Nations League.
Por një situatë aspak normale ka ndodhur gjatë stërvitjes së dardanëve në stadiumin e Shkupit mbrëmjen e sotme.
Pasi sikur të mos mjaftonin telashet e COVID-it, Kosova së fundmi ka hasur një tjetër problem jo pak i rëndësishëm që është ai i ndriçimit. Por për rreth 20 minuta, Kosova është detyruar të stërvitet në errësirë në stadiumin “Todor Proeski”, kur sipas rregullit nga UEFA, çdo skuadër mike duhet të stërvitet në kushte sa më optimale.
Ndeshja e nesërme do të zhvillohet pa praninë e tifozëve për shkak të pandemisë Covid-19, megjithatë fansat kanë mbështetur maksimalisht futbollistët dardanë sot në rrugën drejt kryeqytetit maqedonas.
