Vëllai i Kryeministrit, Olsi Rama është marrë sot në pyetje nga SPAK për çështjen “Xibraka”. Në një prononcim të shkurtër për mediat ai mohoi akuzat, duke u shprehur se nuk ka lidhje me këtë çështje dhe se makinën e ka përdorur për një udhëtim ne Selanik.
“E kam bërë kallëzimin sepse e kam konsideruar një manipulim të të gjitha fakteve dhe një gënjeshtër shumë të madhe prandaj do të dalë e vërteta. Nuk kam asnjë çerek lidhje me Xibrakën. Unë i kam marrë automjetin një personi në atë kohë për të shkuar dhe për të bërë një udhëtim në Selanik dhe kaq. Nuk kam asnjë lidhje fare me asnjë nga personat që përmendni dhe vetëm një person njoh, rastësisht. Do të vij në Prokurori kurdo që të jetë nevoja”, tha ai.
Në padi ai kërkoi nisjen e hetimeve ndaj kryetarit të grupit parlamentar të PD, Gazment Bardhi për shpifje.
