Një 24-vjeçar shqiptar është dënuar me dy vite e dy muaj burg. Ai akuzohet nga drejtësia britanike se merrej me kultivimin e lëndëve narkotike.
24-vjeçari Gëzim Kokoshi jetonte ilegalisht në Britani. Ai është munduar edhe të gënjejë autoritetet britanike me një pasaportë false, ku ishte me foton e tij.
Ai u arrestua në datën 9 korrik e ndërsa ditën e sotme u caktua edhe dënimi për të. Shkak për ndalimin e tij u bë mënyra sesi po ngiste mjetin tip “Ford”në rrugën “Stourbridge”.
Autoritetet janë shprehur se brenda mjetit kishte një erë të tmerrshme kanabisi dhe se Gëzim Kokoshi ishte pasagjer. Gjatë kontrollit u zbuluan 2000 Paund dhe dokumentet e udhëtimit false.
I riu Gëzim Kokoshi u vu në pranga, ndërsa kontroll u ushtrua edhe në banesën e shqiptarit. Policia gjeti 80 bimë narkotike që pi rritnin brenda ambienteve të shtëpisë.
Ndërkohë avokati mbrojtës i Kokoshit, Brendan Reedy, tha se i riu shqiptar vjen nga një familje e respektueshme dhe se nuk ka dalë asnjëherë para gjykatës më parë.
Sipas tij, Kokoshi u shkollua në vendlindje, por nuk mundi të gjejë punë, kështu që erdhi në Angli në mënyrë të paligjshme. Për shkak se nuk kishte dokumente u detyra që në shkurt të këtij viti të punonte për 200 deri në 300 paund për ruajtjen e kanabisit.
“Nuk ishte personi që e ngriti, apo që do të përfitojë vlerën reale të asaj që po rritej aty. Ishte thjesht kopshtar”, tha Reedy.
Edhe pas justifikimeve të avokatit të tij, gjykata e dënoi shqiptarin me 26 muaj burg. Pas përfundimit të dënimit të tij, i riu do të deportohet në Shqipëri.
