Kryetari i Partisë Demokratike, Sali Berisha, do të paraqitet sot në Prokurorinë e Posaçme, në zbatim të masës së sigurisë “detyrim paraqitje” të caktuar ndaj tij nga Gjykata.
Ish-kryeministri është nën hetim për korrupsion të kryer në bashkëpunim, në lidhje me privatizimin e ish-kompleksit sportiv “Partizani”.
Më 3 janar 2025, Gjykata e Posaçme e Apelit për Korrupsionin riktheu masën e “detyrimit për t’u paraqitur në policinë gjyqësore”, pasi më 27 nëntor 2024 Berisha ishte liruar nga arresti shtëpiak me vendim të shkallës së parë.
Ky vendim u ankimua dhe u rrëzua më pas nga gjyqtari i Apelit, Engert Pëllumbi.
